Documents | Modify | Uploaded on Sun Aug 25 18:36:54 2013

le vitke be ra'i lo lunra nicte

By tijlan

le vitke be ra'i lo lunra nicte
puzubu'uku ki citno simxu fa ko'a noi ninmu e ko'e noi nanmu - le remei ca lo pu'u solri farlu pe'a cu klama co penmi fi lo rirxe mlana be va lo vo'a cecmu gi'e tavla fi lo balvi fasnu be sera'a vo'a

caku ko'e co'i bilga lo nu jibri litru - ko'e vimcu lo vo'a degji ke solji djine gi'e gasnu lo nu ri se dasri lo ko'a vo moi degji secu'u
    { e'o do ponse ti co'u lo nu mi ba se xruti vau i'apei } -
ko'a secu'u
    { jo'a i'a - ju'e zu'unai ti bi'u ... }
vimcu fi lo vo'a degji fe lo tunka djine gi'e gasnu lo nu ri se dasri lo ko'e vo moi degji - ko'e
    { nu'e mi ba xruti aisai pu'o lo critu nu crepu }

ca lo crisa ko'a de'i li so'a klama le bi'unai rirxe mlana gi'e vreta lo :betula tricu gi'e morji fi le gleki djedi - co'i lo critu cu na'e ku'i ba'o xruti ko'e le cecmu - ziku lo'i solji skari pezli co'a farlu - seki'unaibo na'e xatra ji'a fi ko'e

de'i da poi di'o le cecmu cu pa moi snime carvi ca ke'a ku'o ko'a ti'i lo pendo cu sipna nu salci vitke fi lo ri zdani - go'i fa ji'a re drata pendo - le vo mei cu so'i zei voksa lifri le nu nicte fau lo zu'o cupra lo te nivji gi'a tavla gi'a sanga gi'a citka loi titla - le nu go'i cu ro'idai mutce lo ka gleki ce'u gi'e vlipa lo mu'anai nu casnu lo se prami be ro vo'a - ko'a cusku
    { ju'i ko catlu lo ti solji djine - gau ra iu dasni puco'a le nu cliva - ca'e lo vlipa be lo nu ti se vimcu cu pa po'o mei - ra po'o } -
    { ku'i ra ganai tai prami do gi ba'o ei xruti vo'a vau ju'a - ma fasnu - fai le dirba be do }
se cusku pa le pendo -
    { ... } -
lo bartu foldi ri'a lo pu'u snime carvi ze'uco'a lo cerni cu vi'avu blabi - a'aru'edai vu sance lo janbe co pe'idai sakli marce - zo'i - ze'o -
    { le ru'e sakli marce cu mo uanai }
    { fau le nu klama ti cu ba cliva oiru'ero'e } -
le vo mei di'a cupra lo te nivji gi'a ru'i zgana le bartu - seti'u lo sa'e nicte midju fe'eco'uvi le zdani cu co'u sai janbe sance -
    { be'e le bi'unai sakli cu za'ure'u klama }
se cusku pa pendo - zibo vorme darxi fa zo'e -
    { gau ma uanai ca lo tai nicte bancu } -
le vo ninmu fa'a cumla zgana simxu -
    { za'a dasni lo xekri kosta }
    { ga'a mi citno nanmu }
    { au.a'u pe'u mi ji'a zgana } -
co'i lo mu'e ko'a catlu zo'u sanli zvati fa le se prami be ko'a be'o noi pu litru cliva - ko'e -
    { uesai - co'i xruti sai - le mi prenu ro'icai } -
ko'a uicaidai kalri gasnu tu'a lo vorme gi'e janli jgari ko'e - ko'a secu'u
    { uesai.oi - do tai lenku - uusai - lo e'u fagri kevna cu co'e ko }
lacpu aidai ko'e lo xance - ku'i ko'e fapro na'e klama le fagri moi - ko'a
    { do'a zu'unai klama i'i le e'u do zdani } -
le pendo
    { ca tai nicte bancu - e'u do gasnu ca lo balvi cerni peina'i } -
ko'a spuda fi
    { je'e - ku'i aibu'ocu'i mi'a ca klama simxu - le te nivji zo'u e'u ba di'a cupra } 
gi'e cliva rinsa - co'a se marce le sakli be ko'e - uesaidai ke'u co'i lo mu'e jgari lo ko'e janco cu ganse lo ka ri dukse lenku - ku'i la'e di'u zi co'u se sanji moi seja'e tu'a lo du'u ko'e di'o le vo moi degji cu dasri le tunka djine - ko'a cisma - cusku
    { ba'a.uo ko mi'o benji } -
baku co'u snime carvi - je co'a lunra gusni lo vanbi noi ri'a skari lo rijno moi - le re mei fu le sakli fo le lunra nicte klaji cu klama - ba le di'u djedi no da viska le go'i 

fa'o
se finti la .djeims. Please report any errors to me.