Ckafybarja Piece 1. Nick Nicholas .i mi se lidne la vei,on. ba'acu'i lenu nerkla le la loblaz. kafybarja .i mi sutra joiku'i.o'a banli cadzu pa'o la'ele cravro noi tilju je jadycau .i lenu mi pu kargau le vorme cu mlitoinandu gi'e sa'unri'a lenu mi catke .i le te vorme cu se gusni lo lecydo'i milxe gi'e se kufra cmalu .i panomei sa'enai.a'acu'i loi jubme .i mi zutse ne'a lo na'e se tsejbi jubme {poi diklo le kumfa kojna gi'e stula'i le vorme ku'o} gi'e catlu loi zvapre .iza'a la vei,on. zutse vi le ragve kojna gi'enaipe'i zvaju'o mi .i ra zanfri .i'e.o'enai loi panci be loi vi ckafi .i mi zmanei loi tcati gi'e.o'o.aucu'i denpa lenu lo djabeipre cu jundi mi .i milxe savru gi'e ruble nungei .iku'i mi cabdei melu.i'inai li'u vau.u'uru'ero'a .i lei bitmu cu se jadni loi carmi bo vrici joi na'e simlanxe beja'i le tcaci .i le re cpare ka'amru poi simkruca se punji fi le cravro gapru na minrysarxe .u'iru'e .i na go'i fa loi drata ke bitmu se punji nemu'u lo dembi poi vreta lo kicne ku'o jo'u lo slabu tcityta'o nesecu'u <> ge'ujo'u lo befsri noi te ciska zo sindereluud. .i mi ca jundi le jbusfe pe mi .i te ciska so'ida nebau la lojban. e la bangrnesperanto .e le glibau .e.ueru'e le dotco .i le dotco cu se ciska ta'i la fraktur .i mi xebni la fraktur .i mi djica {lenu ciska fi le jbusfe fe <> kei} gi'enai ca ponse lo ve ciska befi loi mudri .i mi ka'e lebna lo cpare ja bisli kilmru le zunle bitmu .i mi co'i morji le xajmi pe lei bisli kilmru jgari relcinge'upre .iku'i lenu le xajmi cu jboselsku na se snada mi .isemu'ibo mi pensi sanga le se finti be la suZAN.vegas.be'o peme'e <> .i lenu go'i cu se dicra lenu lo djabeipre noi .uacu'i xindo cu klama mi gi'e cisma bacru <> .i mi co'a se spaji catlu le beipre .i mi nelci le beipre .i mi mutce nelci co se trina le beipre ja'e lenu mi na spuda ri .iseki'ubo ri cmila joiku'i milxe bo se fanza bacru <> .i mi spuda bacru <> .i le beipre goi ko'a cu bacru <> .i mi <> .i ko'a <> .i mi <> .i ko'a bacru <> li'u gi'e cliva mu'i lenu bevri nagi'e tavla lo drata zutse .ipujecabo lu'i le jukpa kuce le paltylu'i lu'u nevi le jupku'a cu cladu joi selzdi dabysnu .i le jukpa cu so'uroi barkla gi'e te jivrei le se casnu folei zvati .i.aucai mi na ve preti .i le barjyjatna noi dasni lo jikri'i tafygunma ca tavla la vei,on. .i mi xance rinsa la vei,on. i ko'a spuda rinsa gi'e nupre lenu bazi kansa mi kei mi .i loi cnino cu nerkla gi'e cladu rinsa loi no'e cnino noi na'oca'o te lisri .i mi na .ai cabdei ve lisri .i mi .e'icu'i cabdei xebni la fraktur. Free Translation into English. I've been preceeded by Veijo in entering Cafe Loblaz. I swiftly and yet grandly make my entrance through the front door, which is heavy and plain. Opening the door took a bit of effort, and made it necessary to push. What is behind the door is illuminated by mild afternoon light, and is comfortably small. There's about ten tables, I dunno. I sit at a table with noone by it, in the corner and next to the door, and look at the people here. I see Veijo sitting in the opposite corner, and I don't think he's noticed I'm here. He's getting high on the coffee smells. I prefer tea, and I'm waiting --- not that anxiously --- for a waiter to notice me. There's some noise and a bit of merriment. But today, I'm feeling private --- uh, sorry about that. The walls are decorated by miscellanea, unharmonious by the usual standards. The two climbing axes above the front door aren't quite symmetrical. Nor are the other objects on the walls --- a pea on a cushion, for example, an old signboard saying "Best Tailor in the Whole Town", and a belt with "Cinderelwood" written on it. I look at the table-top where I'm sitting. It's been inscribed with lots of stuff, in Lojban, Esperanto, English, even German. The German stuff is in Fraktur script. I hate Fraktur. I want to write "Kilroy woz here and hates Fraktur", but I haven't got something to write on wood with. I could take an ice-pick or climbing-pick from the wall to my left. I recall the joke about the ice-pick wielding bisexuals, but it doesn't go into Lojban too well. So I start mentally singing Suzanne Vega's _Tom's Diner_. I am interrupted by a waiter, Indian I suppose, who comes to me and says, smiling: "What'll ya have to eat, Lojban-lover?" I look at the waiter, surprised. I like the waiter. I really like the waiter. I'm so attracted to the waiter, I forget to answer. So s/he says, laughing but a bit annoyed, "Hello? Earth to Goodfellow Lojbanist? What'll ya have to eat or drink?" I answer "I hear you, and thank *you*, friend (shgeez) --- Oh, not shgeez about you, shgeez about not answering; what a klutz I am! :) I'll have tea." "What kind of tea?" "*shrug* What do you recommend?" "Oh, you could have a Tasty-T; it's our most recent purchase." "OK, get us a Tasty-T." The waiter says "Consider it done", and leaves, not to get it, but to talk to other patrons. While this has been going on, the cook and the dishwasher in the kitchen have been loudly and enthusiastically arguing. The cook occasionally comes out and asks the patrons for their opinion about the topic he's debating. I *really* don't want to be asked. The manager, wearing a suit, is talking to Veijo. I wave at Veijo; he waves back and promises me he'll be with me in a moment. New people enter and loudly greet those already there, who are typically telling stories. I don't feeling like being told any stories today. Today, I feel like hating Fraktur.