From: "michael helsem" 
To: [email protected]
Subject: cukta2
Date: Thu, 06 May 1999 10:26:50 PDT
Mime-Version: 1.0
Content-type: text/plain; format=flowed;
Content-Length: 3630
Status: O

.i lu purdotco lerfu li'u tcita di'e .itu'e

        ba lenu galfi fazu'i so'i
        rafsi kei ku
        mi xagmau cinmo tetai lenu
        da poi mo'u
        nu bi'agla ze'u .ije
        de poi simlu
        loi pe mi bi'agla pe'a
        nalsmu selsku
        ku'o ca'a da'inai
        mijyjbo

tu'u

.i lu marce jitro li'u tcita di'e .itu'e

        puki mi troci lenu
                vo'a nake djica le
        du'emei .oi
                .ije fela solri
        poi xekri ku'o mi senva
                .iki jdini slasi
        .ije co'u senva

tu'u

.i lu gismu li'u tcita di'e .itu'e

        cerni co mlilenku .ue
        .i culno dargu
        .i ganai da'i mi klama
        fo le drata pluta
        gi da poi za'o morji
        fa mi ke'a ku'o
        runta lei valsi fi le
        mijyjbo xu
        .i .u'e titla .i ti ka
        kurki kei ra'i
        le le critu ku xagji
        joi za'i djica

tu'u

.i lu le pluta pe leka tolvitno li'u tcita di'e .itu'e

        le jaica lenu co'a karcynenri
        kei cu traji leka mi cinmo to'e
        le remei po'u mi'a .i le vorme
        bele karcyzda cu selylafti
        .ige tirna fami .oi le sance
        be la'edi'u go vo'e binxo le sinxa be
        roda poi mi vi'e cirko ke'a

tu'u

.i lu sagycinki li'u tcita ledi'e pemci .i tu'e

        mlixunre sloska fa le
                puzi co'a cerni
        .i le vacri
                cu jinsa simsa
        .i le zu'o capu
                lumci so'i karce
        kei ja'a cuse
                jalge lemu'e carvi

tu'u

.i tcita di'e fa lu datytsani cancybi'e li'u .itu'e

        di'inaiku leimi
        pesnunzukte
        klama co jbini ko'a
        goi le'i se vimcu
        .i ricfoi cose viska
        file nu dilmurta
        kei poi blabi
        .ije
        mi lo se vimcu ko'a
        simlu .i lei mi
        pesnunzukte di'inai
        sisku co jbini le'i
        selcri goi ko'e
        .i na penmi
        .i da'i mi lo selcri
        ko'e simlu .i .ei baku
        mi noda cirko ja vimcu
        .i bumru nupre .i ranji
        fi le temci pe lo vaxysenta
        po'u vi lo minra
        .i pesnunzukte jebabo
        nu vrucau .i mi cpedu fi
        ko'a gi'e ko'a
        mutce spuda
        .i dukse spuda
        .i savru

tu'u

.i di'e se tcita lu lanci li'u .itu'e

        fela'i bivmast. so'amoi
                fale cerna .i catlu
        lei snime .icabo
                pinxe le vanju
        co rismi .i le ctino
                ze'i clani ra'i
        le noi cinla dilnu
                trixe zi'e poi
        cacrygaltu
                ku'o solri .i
        mi karcytro .i mi mutce
                jijnu fi zi'o

        .i tidnandu
                sinxa .i marji
        tcita je selfinti
                bo cmene .i le cinmo
        zu'avi xanri
                norcro .i .ue le
        selcni soi vo'a
                claxu

tu'u

.i lu zo xi li'u tcita ledi'e pemci .itu'epamo'o

        ke bumru je xekcpi ke'e
                co gu'o tifyzva ginai
        tazyzva .i lo'e lijgri
                cu stuzi lemi zu'o
        ciskycusku .i velkla

        zgike .i puki ku mi
                tavla le xekcpi poi
        jiptse le clani tricu
                .i cadzu .i ki ku klama
        fu zu'i .i doi xekcpi.

        ko bacru .i go'i lese
                toldra pe mi .i vrucau
        .i gu'enai toldra
                ginai drani .i bumru
        banzu .i donri bo karce

        bo cragusni .i mipri
                tcadu mo'ipa'o
        .i le munjymu'a
                cu klina .i bebna xekcpi

tu'u .itu'eda'i remo'o

        sance murse tadji
                lenu xruti .i le
        senva pruxi xipa
                goi ko'a cuse cmene
        la misro turni pe li

        sono ku ku gi'e
                seltai coke karce
        barda xazystagi
                .i ko'a bacru lu .e'u
        sisti fa do le zu'o

        senpi .i da'inai
                masno cuxna .i caku
        le donkemzvakla cu birti
                li'u .i danfu bacru
        lu ganai zo'e me mi

        gi le me mi cu zasti
                .i ku'i mi ka'e dunda
        lo nincme vo'a li'u
                .i ko'e goi le senva
        pruxi xire cu seltai

        lo sagycinki gi'e
                se cmene la popsna toldji
        .i ko'e bacru lu le
                xekcpi cuse cmene
        la blabi .i .e'u blabi

        ba .i bumru skari
                .i snime sance .i ladru
        panci li'u .i danfu
                bacru lu lemi velkla
        ge xekcpi nunvoi gi

        balbisli selsanga li'u
                .i ko'i goi le senva
        pruxi xici cuse
                cmene nagi'e seltai
        loi namcu .i ko'i ru'i

        kansa mi gi'e tavla
                ba'i mi ku ji'e
        lenu mi mo'u jimpe
                lemu'e lo bumru cu canci

tu'u
fe'onai



_______________________________________________________________
Get Free Email and Do More On The Web. Visit http://www.msn.com