From: "michael helsem" 
To: [email protected]
Subject: cukta3
Date: Thu, 06 May 1999 10:27:42 PDT
Mime-Version: 1.0
Content-type: text/plain; format=flowed;
Content-Length: 4137
Status: O

.i di'e se tcita lu li pa fi'u no vau li'u .itu'e

	gu'e cairnunxendo
	gi cairnuntolfraxu
	.i mixre co nalmixre vau da'i
	.i le poi ka'e viska
	pa'o lo rokci ku'o
	kanla cu binxo lese
	cfipu bele sampu
	preti .i guksance
	cinki gu'e nenri
	le skina skina
	depkumfa gi cnita le savru
	dikni pelei balvi

tu'u

.i lu lu lei gerku pe la sozmast. xipiso'a vau li'u li'u tcita di'e
.itu'e

	lu mi ru'i zbasu
		la tcadu co jetyjitfa
	noi voizda je kakpyzda
		ku'o lei valsi .e lei
	nalvla .i fe lei subysle
		fi lei taunrango mi galfi

	gi'e fanta lenu
		nei .i gasnu mo'u
	.ije na cumki li'u
		pu se cusku ko'a
	vi le ckafybarja
		ko'e noi spuda lu lo

	bangu pu co'a zasti
		ra'i le nitcu belenu
	seznatfe kei ca lenu
		lu ko pencu jo na
	pencu li'u ka'enai
		se cusku sepi'o lo sance

	po'o li'u .i ni'a
		re klacpare selpli
	poi simjorne fi'o
		jgarau fe'u li sono
	ku'o ku le gapci
		tarmi ka'e se skicu

tu'u

.i lu la tcadu co crino vau li'u tcita di'e .itu'e

	.iri'a lenu ji'a lenku
		fa le jubme
	be lo bogrokci
		bei na'e lo sipna
	selcpana kei
		mi le xance po mi
	le napo mi glakabri
		ta'e punji gi'e
	sumne le tcati .i'a

tu'u

.i lu famyma'o li'u tcita ledi'e pemci .itu'e

	fu'epe'a kandi co
		jbini le'i solri
	fagri .i turni
		tu'a lo canga rolti

	.i mecycai co selcta
		tega'a lo xekyblaci
	.i selbilma fi da poi
		ma'a fi ke'a

	na djuno fu'o .i fu'e-
		ti'e lo'e cpedu
	be file turni be lo'i
		xekcpi ka'e

	te danfu lo xekcpi
		po'o fu'o .i le
	sumne pe le puzi
		selkatna srasu

	ku'o ve'i dandu
		tu'i le vacri
	gi'ebabo canci
		.i famyma'o

tu'u

.i di'e se tcita lu djinunkla li'u .itu'e

	lemi temci co naljibri
	roroi pimo'amei .oi
	.i bapli mi lenu vo'e du'e
	minji ca kurji .i go'i so'i
	selni'i be lepu selzu'e pe mi
	.i djica fami lenu mi cfari
	lo cnino goi ko'a .iku'i le jai
	vi pevbanro fai ko'a ku
	cu ckaji leka mritcita
	barda ba'u

tu'u

.i lu le toldanmo vau li'u tcita di'e .itu'e

	.i'oro'u
		puzi nicte
	.i solji crino
		fa le sodna gusni
	be lei cabycte pezli

	.i .i'iro'i
		bazi voksa
	.i solji grusi
		fa le sodna gusni
	be le cabycte klaji

	.i le drani be'a
		ve klama mi'a
	pa'o tepygau
		roklarcu bo bemtai
	.i .o'o .i .u'o
		.i .aidai mo'u no klama

	.i cfine dinju
		.i do morji zo'e
	.i mi morji seba'i
		ku le sance poi narzva
	.i pe'a bumru marji
		.i mi le cradi pu tirna

	le mi jorne selmo'i
		.i voksa .i simsa
	.i le zbabu fomselci
		cu stali ze'u
	je za'o
		.i ranmi co dimna nunspo

	.i le voksa pe do
		ku'i
	cu marbi je se xabju
		.i nenri le mabla voksa
	goi ko'a fa le dunku
		pe ji'e lo mu'e tolraclybi'o

	.i mi na mo'u jimpe ti
		.i savru .i ve vimcu
	.i ko'a gusni pagre
		pe'a be'i le fetsycevni
	tarci da'inai
		.i puuku lei terpemci ti djuno

	ja na jimpe mo'u
		ji'a .i ko'a lisri
	le dimna .e le nunspo
		.e le za'i prami kei
	poi ranji fi le roltei
		.i la'edi'u zo'u zukte ma

	.i .uacai mi pu toldra
		.i mi zifre .i do prami
	.i vi le purci ku ku zo'e
		ka'e krici ledu'u
	vo'a zifre kei .onai
		ledu'u nalzi'e

	.i caze'e ku zo'e
		go'i .i da po'o
	poi lifri le banli nunprami
		zo'u da jetnu tavla
	figa lo za'i zifre
		gi lo za'i to'erzi'e

tu'u

.i lu luryri'e li'u tcita ledi'e pemci .itu'e

	grusi bluska tsani
		gapru le jarbu ze'i
	lezu'o mi'a cadzu
		le gunro srasfe

	.i ri'i levi norcte
		ku mi ko'a jorne
	ge le ru'inai xance
		gi le ru'i

	mubykansa .i mi
		noda terpa zo'u
	.uanai .u'ere'e
		.i ri'anaibo selsru

	lei slabu cumxai

tu'u

.i di'e se tcita lu poi simsa be lo cipna be'o traji vau li'u .itu'e

	.o'ucu'isai le po'u
	ko'a .o mi remei
	ge ge marbi ja termra
	ge censa ja tolcensa gi
	fu'epe'anai greku co
	smuni ja tolsmu fu'o
	vau .u'ecaire'e
	ro'uro'iro'e .i
	seri'abo ba sanga fa mi le
	selsanga pe lomu'e
	spebi'o

	.ije salci lenu nupre
	lo cimnytei fa re
	cmalyranji

tu'u

.i lu slojoinri'o magvla li'u tcita ledi'e pemci .i tu'e

	prami xabji fami le'a bi'i
		gi lenu di'i kansa
	gi lenu ru'i kansa .i mi
		djavau lumci prije
	.i ritli kreka'a zau
		lo ninmu pe sekai le
	pevytcati

tu'u
fa'o





_______________________________________________________________
Get Free Email and Do More On The Web. Visit http://www.msn.com