darvin

ro lo jmive pa kampu cu se dzena

le nu ro ra ji'ercerda simjo'e

i va'i ra pa cfari cu rarpo'e

i ie ro ra poi vi terdi se jgena

i lu'a lo jutsi ca le nu jbena

cu jgina ke cunso cmadrata lo'e

jutsi cmima i le so'u matco'e

cu snada le nu ferti tsiju tcena

i ri'a bo lo jutsi cu snobi'o

su'o lo drata jutsi noi nalvi'o

i selbitfau du'i le nu ba carvi

i sa'enai di'u le pu'u farvi

le lircinfo le nincinfo kei mi'o

pu prije ve ti'icki la tcarls darvin

mi'e xorxes
de'i li 1994;01;26

Created by admin. Last Modification: Friday 16 of September, 2005 15:07:06 GMT by xorxes.

Sidebar