A story by David Moser, printed in Douglas Hofstadter's Metamagical Themas
column in Scientific American, and reprinted in his book of the same name,
pp. 37-41.
Trans. Nick Nicholas
dei tcita ledei lisri gi'e so'uroi jaise krefu vi le lisri
ni'o dei pamoi le'i jufra pe ledei lisri
.i dei remoi le'i jufra
.i dei senrei lejei le re lidne jufra cu se vamji
.i dei notci fo do
fau lenu do punai sanji lenu no'a kei kei
fe lenu le me dei cu sevra'a lisri
gi'e va'i vasru loi jufra noi srana leke'a stura jo'u terpli
.i dei fanmo le pamoi jufygri
ni'o dei pamoi lo cnino jufygri pe lo sevra'a lisri
.i dei cnino jarco le ralju xeldraci be fi le lisri be'o
poi nanla zi'eneme'e zo bilis.
.i dei notci fo do
fe lenu la bilis cu pexselkre gi'e blaselkanla
gi'e merko gi'e nanla li pare
gi'e ca galxyjai catra leri mamta
.i dei pinka leka le sevra'a lisysu'a cu jaise juxre kei
.e leka ri sabji lo cizra je kelkai kamsepli le lisfi'i
.i dei simlu mupli tu'a la'e di'u gi'e ba'e na'e xajmi jai mojri'a
fi lenu loi verba cu dirba seldu'a la cev. kei
.e lenu le rolzda cu xagze'a
ri'a loi steci kamgei je kampu'a poi lei verba cu bevri fi ra
ni'o dei selpli
fi lenu skicu le punli kanla be le la bilis. mamta be'o
.e leri tcena tance
gi'e srana le tolpu'a kakfe je nadvasxu savru be ri
.i dei jufra co zgana lenu ca nalselbirti je nandu cedra kei
.e lenu loi preterki'i
poi selcmi loi .ue simlu ke tceseltcila je stodi
cu na'o co'a spofu
ni'o cnino pilno
.i vi le dei jufygri lo skutadji
.i ri po'u loi jufyspi
.i lo drata jufyspi
.i xamgu skutadji
.i ba zenba co ni selpli cafne
ni'o dei je'u romei le'i jufra pe le dei lisri
gi'e srera se punji le dei stuzi
.i dei tcita ledei lisri gi'e so'uroi jaise krefu vi le lisri
.i ca lenu la gregor.samsas. co'a cikna gi'e co'u raktu senva vau
ca lo cerni kei
ra facki lenu ra vi le ckana ba'o binxo lo brabra cinki
.i dei notci lenu di'u se krasi lo drata lisri
noi .i'a mutce xagmau le me dei ku'o
gi'enai mapti le dei lisri
.i ni'inai tu'a la'e di'u
dei sarcu notci fo do
fe lenu do cazi tcidu le dei lisri
po'u la nunselgalfi pefi'e la frants.kafkas. kei
.e lenu le jufra poi se srana di'u
ropamei loi jufra poi fatci steci le dei lisri
.i dei natfe di'u gi'e notci fo le tcidu .uu
fe lenu le dei selsku cu du je'u
le merko ke se datygu'etru bo sisti xusyvei kei
.eku'i lenu le finti cu mutce nalkurji gasnu
gi'e la'acu'i xlamu'i spogau vau
lenu na vi setca su'o jufra pe le darsi xusyvei kei
gi'e .i'a vi setca lo cmalu jufyspi
po'u lo'u ca lenu ca loi remna fasnu porsi le'u
zi'enoi jbini zo lu ce zo li'u
vi lo jibni be lo jufra fanmo
.i dei noi jarco lenu xamgu sanji
leka lo'e tcidu cu to'e se cirni gi'e bradycni se rinka vau
loi mu'ircau sidbyselkei pe lei puzi jufra ku'o
cu jai rinka lenu krefu srana le lisri se platu kei
sepi'o lu mu'i ma la bilis. catra leri mamta li'u
.i dei troci co jmiri'a fi le di'u preti gi'e jai se fliba
.i dei ba'e to'e jai se fliba
ni'i lenu stidi lenu la bilis. ce leri mamta cu simgle kei
gi'e jai pesri'a fi lei se nibli me la freud. me'u bo pluja
poi lo'e filjmi tcidu cazi pensi
.i nunlazgle
.i lo .ei na'e se casnu
.i lo to'e se curmi be roda
.i nunlazgle
.i jufyspi
.i xu do zgana
.i xamgu ke valylarcu tadji
.i ba zenba leni selpli
ni'o dei pamoi le'i jufra pe le dei jufygri
.i dei romoi le'i jufra pe le dei jufygri
ni'o dei ka'e cfafa'o ja stifa'o lo jufygri ja'i tu'a le dei terpu'i
.i dei tcita ledei lisri gi'e so'uroi jaise krefu vi le lisri
.i dei junri fapro ro sevra'a jufra
poi po'o pinka leke'a terpli ja terpu'i ci'e lo lisri
zi'enemu'u le re purla'i jufra
ji'u leka malstodi filsmadykai gi'e to'e selfraxyxau fi'irsevzdi
gi'e po'o jai depri'a
lenu le tcidu cu jundi le fatci selra'a be le dei lisri be'o
noi ca simlu srana lo nu galxyjai catra kei
.e lo nunlazgle .e loi ba'a drata zdile
.i dei jai se mukti lenu di'u
noi na'e cmima le'i jufra poi di'u fapro
cu pa'a jai depri'a
lenu le tcidu cu jundi le fatci selra'a be le dei lisri be'o
no'u je'u lenu la gregor. samsas
velskicau se galfi fi lo brabra cinki kei
neni'inai loi se basna nu loi drata xagypla je toltceju'o jufra cu natfe
.i dei ka'e cfafa'o ja stifa'o lo jufygri ja'i tu'a le dei terpu'i
ni'o dei tcita ledei lisri gi'e so'uroi jaise krefu vi le lisri
.i dei jibni tcita ledei lisri gi'e paroi jaise krefu vi le lisri
.i dei xenru notci lenu le sevra'a lisytadji pu jai rinka
lenu le lisri draci cu to'e farvi
to va'i le lisri jufra jai se mukti
lenu lanli ri .e leri terpli pe le lisri kei
ja'e lenu piso'amei fatci fliba
lenu mapti notci loi fasnu fa'u sidbo
poi .a'o binxo lo draci .e lonu xeldraci farvi .e loi drata
poi ro ri krinu lenu lo vrude je gunkyxau jufra cu zasti
ci'e lo cinri prosyfi'a toi
.i dei ji'a jarco le filseljmi nu simsa
fa lenu lei le lisri ku jufra cu dunku sevysanji kei
tu'a loi simsa se raktu remna kei
gi'e jarco lei simsa tolfavri'a bo jalge be lo dukse je raktu nu sevlanli
ni'o tu'a dei
noi ka'e ji'a ni'o zei jufygri
cu se mukti lenu sruma lenu
fau lenu le merko ke se datygu'etru bo sisti xusyvei
cu se cusku je se stura tai lo kurjycau je cunso
pemu'u le dei lisri kei
no prenu ka'e sruma
lenu lo kau cizra malzifre cecmu cu ca se cmima mi'o kei
.e lenu lei xabju be levi gugde cu ckaji lo kau kamtolbanli
pe da'i mu'u leka loi fenki je tolvrude finti
cu zbasu loi fanza bo juxre je tolsarcu bo pluja jufra
noi so'iroi ckaji
lo ka'e se tolzanru je la'a se fapro se bilga kamsevra'a
gi'e so'iroi .uanai binxo loi xlaseljo'e jufra
gi'abo jarco loi drata sinxa
be lo mabla xlastura gerna be'o
nemu'u loi tolsarcu ke refsku raplysmu
noi ju'o xrani xlura le jikytadji je kamvrude
pe lei lemi'o gugde ku citno ku'o
zi'enoi seja'e rinka lenu ri lazgle ja catra
zi'enoi la'acu'i .ua rinka
lenu la bilis. catra leri mamta
ri'a loi jufra pemu'u dei
noi se mukti no kliselzga
gi'e jai se zukte fi no kliseljmi
gi'e se fanmo lo cunso
pemu'u lo lo jufra midju ke
ni'o cizra
.i lo jufyspi
.i lo drata jufyspi
.i li pare
.i dei jufra poi
.i spisa
.i gi'e galxyjai catra leri mamta
.i .u'ucai
.i cizra
.i dei
.i cnino jufyspi
.i dei go'i
.i lo spisa
.i le tcita be le dei lisri gi'e
.i pexselkre
.i .u'ucai
.i jufyspi cebabo jufyspi
.i tocyze'a
.i dei cu
.i jufyspi
.i xamgu lisytadji
ni'o dei se mukti lo cimei
no'u lenu xenru le dunku je velskicau lisranji nunde'a
pe le pu jufygri kei
kuce lenu cusku fi do .io no'u le tcidu
fe lenu le nunde'a banai krefu kei
kuce lenu refxu'a ledu'u ca tolselbirti je nandu cedra kei
.e lenu loi bangu ckaji nemu'u loi simlu stodi je tceseltcila
nemu'u le valgerna .e le valsmuni cu spofu
.i dei jmina no vajni lei selcni pe di'u
gi'e po'o sabji lo fanmo le dei jufygri
noi fau lenu na sabji cu ka'e na ckaji lo fanmo jufra
ni'o dei suksa je virnu djuxau
troci lenu sisti le sevra'a lisytadji gi'e fliba
.i dei reftoi gi'e jai se dimna le nunfliba ca le cfafa'o
ni'o dei temfa'o
nuntroci befi lenu setca za'uno kamdraci le dei tolfarvi prosa kei
sutra pinka lei nu la bilis. xalni miprygau troci kei
gi'e jmina lo pemcykai je cniri'a je xaurselsku prosa
pera'a lenu la bilis. di'a pendo leri patfu kei
noi stiri'a lo nalselsanji me la freud. me'u nunsimpro
noi kliseljmi lo'e filjmi tcidu ku'o
.e lo stifa'o ke sukcniri'a nunjersi bo skiprosa
pe lenu la bilis. snuti le dantyxai se catra lo xalni cnino bo pulji
noi spajycunso se cmene zo bilis.
.i dei cnikansa lei zaurxau seltoi pe di'u noi tcefauculno ku'o
gi'e mojgau notci
lenu lei pinka pe lo nalzasti lisri na bastyxau fi lo fatci lisri
gi'enai jai tolbilgyri'a le lisfi'i noi nalkurji lazni
ni'o
ni'o
ni'o
ni'o
ni'o
ni'o
ni'o
ni'o
ni'o
ni'o
ni'o
ba'e ni'o
ni'o
ni'o
ni'o
ni'o dei se .i mukti le .i nu xenru le .i jdixla nu pilno .i loi .i jufyspi
.i .u'u
ni'o dei se mukti lenu ka'i lei makcymau jufra
cu xenru lei mu'ircau je nalmakcykai kelci pe le re purla'i jufrygri ge'u
.e lenu le cniselkai be le dei lisri cu jalge
lenu na ka'e cusku lo sampu je .i'a tolvu'e draci
ni'o dei xenru ro nalsarcu nunxenru pe le dei lisri
zi'enemu'u dei
zi'enoi cu'u vi selpli seva'u lei se fanza tcidu
gi'e fanza ke sevra'a jai depri'a
lenu le ca se tolmorji jbini draci cu ranji
ni'o dei tcetce se mukti nuzba lenu xlajalge le nunsevra'a pe loi jufra
zi'enoi ka'e ta'e raktu ni'i lenu
fau lenu lo jufra ka'e sevra'a kei
lo jufra selvau bridi nemu'u ledu'u nei cu ka'e sevra'a
.i le dei jufyspi cu ji'a kakne
.i ci valsi ka'e
.i re valsi
.i pa
ni'o la'acu'i mapti fa lenu dei xendo je tolsimnycau jai mojri'a
lenu ca je'a nandu je nalselbirti cedra kei
.e lenu loi remna cu su'a na'e banzu simxendo kei
.e lenu la'a ma'a poi racli remna ja jufra cu .ei tocyze'a
.i ru'a ge lenu zifra djica cu zasti gi'e sarcu zasti
gi dei snadycipra lenu zasti
.i dei na.enai do po'u le tcidu du nalkakne
ca lenu fapro ro kectycau dambe pe le munje
.i mi'o .ei sanli jdari gi'e sanji loi fatci
gi'e jgari le munje le galxe gi'e tocyze'a
.i le galxe
.i tocyze'a
ni'o .u'u
ni'o dei tcita ledei lisri gi'e so'uroi jaise krefu vi le lisri
ni'o dei romoi le'i jufra pe le dei lisri
.i dei romoi le'i jufra pe le dei lisri
.i dei romoi le'i jufra pe le dei lisri
.i dei romoi le'i jufra pe le dei lisri
.i dei
ni'o .u'u
---
sevra'a sevzi srana self-referential
jufygri jufra girzu paragraph
galxyjai galxe jgari strangle
senrei senpi preti to question
terpli te pilno function
pexselkre pelxu se kerfa blond
blaselkanla blanu se kanla blue-eyed
lisysu'a lisri stura narrative structure
kelkai kelci ckaji playful
lisfi'i lisri finti author
mojri'a morji rinka remind
seldu'a se dunda gift
rolzda ro zdani world
xagze'a xamgu zenba better
kamgei ka gleki happiness
kampu'a ka pluka pleasure
nadvasxu nandu vasxu choking
preterki'i prenu te ckini human relationships
selcmi se cmima
tceseltcila mutce se tcila profound
skutadji cusku tadji literary device
brabra barda barda gigantic
xagmau xamgu zmadu better
datygu'etru drata gugde turni colonial rule
xusyvei xusra vreji document
xlamu'i xlali mukti malice
spogau daspo gasnu sabotage
bradycni bradi cinmo hostile
mu'ircau mukti claxu pointless
sidbyselkei sidbo se kelci conceptual game
jmiri'a jimpe rinka shed light
simgle simxu gletu have sex
pesri'a pensi rinka triggers a thought
filjmi frili jimpe astute
nunlazgle nu lanzu gletu incest
valylarcu valsi larcu literature
cfafa'o cfari fanmo beginning
stifa'o sisti fanmo end
terpu'i te punji placement
purla'i purce lamji preceding
filsmadykai frili smadi ckaji predictable
selfraxyxau se fraxu xamgu forgivable
fi'irsevzdi finti sevzi zdile self-indulgent
depri'a denpa rinka to suspend
selra'a se srana topic
velskicau ve ciksi claxu inexplicable
xagypla xamgu platu well-intentioned
toltceju'o to'e mutce djuno ignorant
gunkyxau gunka xamgu industrious
prosyfi'a prosa cfika prose fiction
filseljmi frili se jimpe obvious
sevysanji sevzi sanji self-conscious
tolfavri'a to'e farvi rinka paralysing
sevlanli sevzi lanli self-analysis
kurjycau kurji claxu negligent
xlaseljo'e xlali se jorne run-on
xlastura xlali stura ill-formed
refsku krefu cusku repetitious
raplysmu rapli smuni redundancy
jikytadji jikca tadji lifestyle
kliselzga klina se zgana apparent
kliseljmi klina se jimpe perspicuous
tocyze'a troci zenba try harder
lisranji lisri ranji story continuity
nunde'a nu denpa pause
refxu'a krefu xusra reiterate
valgerna valsi gerna syntax
valsmuni valsi smuni semantics
djuxau sidju xamgu altruist
reftoi krefu troci try again
temfa'o temci fanmo last-minute
miprygau mipri gasnu cover-up
pemcykai pemci ckaji lyrical
cniri'a cinmo rinka moving
xaurselsku xamgu se cusku well-expressed
stiri'a sisti rinka to stop
nunsimpro nu simxu fapro conflict
sukcniri'a suksa cinmo rinka exciting
skiprosa skicu prosa descriptive passage
dantyxai danti xarci gun
spajycunso spaji cunso coincidence
cnikansa cinmo kansa sympathise
zaurxau zanru xamgu laudable
seltoi se troci
tcefauculno mutce fasnu culno action-packed
mojgau morji xamgu remind
bastyxau basti xamgu fitting replacement
tolbilgyri'a to'e bilga rinka let off the hook
jdixla jdice xlali imprudent
makcymau makcu zmadu more mature
nalmakcykai na'e makcu ckaji adolescent
cniselkai cinmo se ckaji emotional tone
tolvu'e to'e vrude depraved
tcetce mutce mutce bursting at the seams
xlajalge xlali jalge dire consequences
selvau se vasru
tolsimnycau to'e simna claxu with no disrespect
simxendo simxu xendo kind to each other
snadycipra snada cipra proof
kectycau kecti claxu merciless
From [email protected] Ukn Nov 16 18:23:30 1993
Received: from ELI.CS.YALE.EDU by NEBULA.SYSTEMSZ.CS.YALE.EDU via SMTP; Tue, 16 Nov 1993 13:29:57 -0500
Received: from YALEVM.YCC.YALE.EDU by eli.CS.YALE.EDU via SMTP; Tue, 16 Nov 1993 13:29:51 -0500
Message-Id: <[email protected]>
Received: from CUVMB.CC.COLUMBIA.EDU by YaleVM.YCC.Yale.Edu (IBM VM SMTP V2R2) with BSMTP id 7084; Tue, 16 Nov 93 13:29:30 EST
Received: from CUVMB.COLUMBIA.EDU by CUVMB.CC.COLUMBIA.EDU (Mailer R2.07) with BSMTP id 3909; Tue, 16 Nov 93 13:28:30 EDT
Date: Tue, 16 Nov 1993 18:23:30 GMT
Reply-To: Colin Fine
Sender: Lojban list
From: Colin Fine
Subject: Re: TEXT: This Is the Title of This Story...
To: Erik Rauch
Status: RO
X-Status:
doi nik
mi ba'o binxo le sanji be la'e di'e
.i tu'e mi so'e roi te pinka lo
lojbo selci'u na gi'a mo'u tcidu ri
.i ku'i mi so'i roi fliba lo nu mo'u tcidu ra
.i se ni'i bo mi so'u roi .u'u te pinka ru
.i tu'u
.i ca ku mi te pinka le do xelfanva gi'u
mo'unai tcidu ri
I've tried writing the next bit in Lojban, and I'm
not sure I can express it clearly, so it's in
English.
1. You say
.i dei notci fo do
fau lenu do punai sanji lenu no'a kei kei
fe lenu le me dei cu sevra'a lisri
gi'e va'i vasru loi jufra noi srana leke'a stura jo'u terpli
This is a relationship between the sentence, the
reader, the information, and the event of the reader's
not already being aware of it. In the case that the
reader is not indeed aware of it, there is no problem:
the relationship is one of being a message, and it all
works.
But I am not sure that this works if the event is
counterfactual. I think that the following reasoning then
applies:
no da nu do punai sanji li'o
.i se ni'i bo de'u notci fo do fau no da fe zo'e
.i se ni'i bo na ku de'u notci fo do fau da fe zo'e
.i se ni'i bo de'u na notci
which is not, I suggest, what you want.
I suggest that there is an 'inform' (=galfi fi lo sanji)
that is indeed 'fau zo'e', but the 'notci' is not.
Guessing that the English said something like 'in case you
did not already realise', I would say:
.i dei notci fo do
mu'i le nu do ju'ocu'i punai sanji li'o kei
li'o
2. va'i vasru loi jufra noi srana leke'a stura jo'u terpli
I find 'vasru loi jufra' strange -'selpau' would be better.
I think you mean 'poi' rather than 'noi', otherwise it's
truth equivalent to 'vasru loi jufra' which is hardly
remarkable.
3. .i dei cnino jarco le ralju xeldraci be fi le lisri be'o
poi nanla zi'eneme'e zo bilis.
Contrariwise, I would expect 'noi' rather than 'poi'.
I like 'zi'e ne me'e'.
That's as far as I've got.
Colin