[ < ] [ > ]   [ << ] [ Up ] [ >> ]         [Top] [Contents] [Index] [ ? ]

14. repivomoi pagbu [Gospel According to St. John]

5:1. ni'obabo xebro cesydei .icabo la .iecu,ys galkla la .ierucalaim

5:2. .i bi'u bu'u la .ierucalaim vi la lanme vorme ku le limla'u be me'e zoi xy. beitxesDA .xy cu ponse mu <stoas>

5:3. vi ri ku lei so'i bilma ja visycau ja dzucau ja sudyselxadni cu zutse [gi'e denpa lenu le djacu cu muvdu

5:4. .i le <angelos> be la turni ru'inai dzikla le limla'u gi'e raktu le djacu .i le pamoi nerkla bazi lenu raktu le djacu cu ka'orbi'o gi'e bi'asti fi ro terbilma]

[misro vimcu]

5:5. .i da poi bilma nanmu pu vi vreta ca'o lo nanca be li cibi

5:6. .i la .iecu,ys cu viska ra gi'e djuno ledu'u ra ca ze'upu vi vreta gi'e cusku lu xu do djica lenu kanro li'u

5:7. .i le bilma cu spuda fi lu doi .io do'u noda cu punji mi le lalxu ca lenu raktu le djacu .i ca'o mi klama ku lo drata cu dzikla purci mi

5:8. .i la .iecu,ys cu cusku lu ko sanli gi'e lafti le ckana gi'e cadzu li'u by

5:9. .icabo le nanmu cu ka'orbi'o gi'e lafti le ckana gi'e cadzu .icabo surdei

5:10. .iseki'ubo lei xebro cu cusku fi le selmikce lu ca surdei .i na curmi lenu bevri ledo ckana li'u

5:11. .i ko'e dafsku lu le ka'orgau me cu cusku lu ko lafti le ckana gi'e cadzu li'u mi li'u ko'i

5:12. .i ko'i cu te preti fo ko'e fi lu ma poi nanmu cu cusku lu ko lafti le ckana gi cadzu li'u do li'u

5:13. .iku'i le ka'orbi'o na djuno ledu'u makau go'i .iseja'ebo la .iecu,ys cu canci mu'i le sorpre

5:14. .ibabo la .iecu,ys cu tolcri ko'e le malsi gi'e cusku lu .ua do ka'orbi'o .i ko ze'eba <amartane> mu'i lenu do lifri lo xlamau li'u


[ << ] [ >> ]           [Top] [Contents] [Index] [ ? ]

This document was generated by www-data on May, 23 2009 using texi2html 1.76.