Chapter 6. ckape litru

Table of Contents
Dangerous Journey
Gloss

By Jorge Llambias (Argentina); posted on Lojban electronic mailing list, May 1994.

i dei lisri le nu cpare lo cmana
i go'i le nu sisku le ka manci
le rirci xrula poi titla se panci
zi'e poi ia xabju le traji cpana

i ca le nu finti dei kei mi zgana
le nu le romoi gusni pe le vanci
sekai le ka lazni cu masno canci
i le nu mi ciska dei cu te ckana

i xu frili fa le nu mi le zdani
cu cliva bai le banli mukti i na
go'i i ju le te zukte cu trina

i le pluta cu nandu gi'e clani
i ca binxo le lerci i le tsani
cu manku i ai mi catlu lo skina