Chapter 7. sera'a le cipnrkorvo .e le lorxu

Table of Contents
sera'a le cipnrkorvo .e le lorxu
Crow and Fox
Gloss

Nick Nicholas (Australia); translated from Aesop from the Greek (Fable 126). First published in ju'i lobypli 16, May 1992.

sera'a le cipnrkorvo .e le lorxu

.i lo cipnrkorvo noi ba'o kavbu lo rectu cu co'a zutse lo tricu
.i lo lorxu noi viska ra gi'e djica lenu cpacu le rectu
cu sanli gi'e zanru skicu le cipnrkorvo. ri lo xadbraxau je melbi
gi'eji'a bacru lesedu'u ge ra nu'o turni .ei lei cipni
gi leda'inu ra cu se voksa lo xamgu cu nibli lenu pu'i turni
.i le cipnrkorvo noi djica lenu jarco fi le lorxu
fe leka pu'i se voksa lo xamgu cu renro le rectu gi'e cladu krixa
.i le lorxu cu bajra gi'e bacru ba'o lenu kavbu le rectu kei
lu doi cipnrkorvo noda
fau leda'inu do se menli lo xamgu
cu fanta lenu do turni roda li'u
ni'o le prenu noi bebna ku'o le se cusku cu pilno se xamgu